إزاي تذاكر للإمتحانات وتعوض في الفاينال
خلاص الإمتحانات على الأبواب مفيش وقت لتأجيل المذاكرة والمواد المتراكمة، طبعا الوضع بقي مزعج جدآ وخايف انك متقدرش تجيب درجات عالية وتعوض في الفاينل
ودلوقتي الوقت محدود جداً فلو إستغليته صح وبطريقة سحرية وامشي علي الخطوات اللي هقولها دلوقت هتقدر تعدي من الفاينل بتقدير كويس جداً .
كلنا متعودين إننا دائماً بنأجل المذاكرة طول السنة وبنستخدم الجملة المعروفة هنعوض في الفاينل ولكن الوقت بيمر بسرعة وبنلاقي فترة قليله جدآ على ميعاد الفاينال بتكون المواد متراكمة عليك وبتستغل الفترة القصيرة دي بطريقة غلط وده بيكون سبب كبير إنك متجيبش تقدير كويس .
الفترة اللي قبل الفاينل من أهم الفترات اللي لازم تستغلها بشكل صحيح جداً وتبذل جهد كبير فيها علشان تقدر توصل لتقدير كويس .
1- الإستعداد النفسي
خلينا متفقين إن السبب الكبير اللي بيخليك متقدرش تعوض في الفاينل زي كل سنة ، إنك بتستخدم نفس الأسلوب نفس التفكير نفس طريقة المذاكرة زي كل سنة ما بتحاولش إنك تغير وتستخدم أساليب جديدة وتغير تفكيرك علشان تستعد صح.
إقرأ أيضا : تدريب شركة فودافون
2-فترة الإستعداد للفاينل خطوه مهمة جدًا ليك
لازم تغير تفكيرك في الفترة دي وتمحي أي تفكير سلبي زي مثلاً الفترة دي مش كفاية ومهما ذاكرت فيها مش هقدر أجيب تقدير كويس، انا مذاكرتش من أول السنة وبالتالي مش هعرف أحل كويس في الفاينل
كل الكلام ده بيأثر على عقلك وتفكيرك بشكل كبير علشان كده لازم تغير تفكيرك وتقول إنك هتقدر وهتذاكر وهتحل كويس في الإمتحانات.
كل اللي عليك إنك تبدأ تذاكر بجد ومتفكرش خالص في النتيجة ومتحطهاش في حساباتك عشان هتكون عائق بين مذاكرتك والفاينال .
كتير من الناس بتبدأ في الوقت ده وبتجيب تقديرات عالية جداً السبب بيرجع أنهم مش شرط بيكونوا بيذاكروا من أول السنه ولكن بيستغلوا الفترة اللي قبل الفاينال بطريقة صحيحة بطريقة صحيحة وسليمة.
إقرأ أيضا : كورس ICDL معتمد مجانا
3-التركيز وعدم المماطلة
السبب القوي إنك متذاكرش من أول السنة هي المماطلة في المذاكرة بمعنى إن كل ما بتذاكر تماطل وتقول هكلم صاحبي أقول له حاجة أو أنا هقوم أعمل كوفي..إلخ كل دي أنواع مماطلة بتستخدمها بحجة إنك مش هتذاكر وبعد ما بتضيع وقت كبير بتقول بتروح تنام وتقول هبله وتقول هبدأ من بكرا ولكن اللي بيحصل إنك بتفضل طول السنة على نفس الحال.
دلوقتي مهم جداً إنك تتخلص من المماطلة اللي استخدمتها طول السنة وتبدأ بجد شوية مع نفسك بمعنى مجرد ما تذاكر تقفل التليفون تبعد عنك أي تشتت ،
أجل كل حاجة عايز تعملها بعد ما تخلص مذاكرتك.
- علشان تعرف هتذاكر ازاي وهتذاكر إيه في يومك لازم تبدأ ترتب أولوياتك في المذاكرة
- بمعنى لازم تبدأ بالحاجة الكبيرة والصعبة اللي هتديها طاقه كبيرة من جهدك تبدأ بالصعب اللي هياخد منك وقت ومن ثم تدريجياً للوصول إلي الاسهل.
- ده الوقت اللي هتستخدمه عشان تذاكر الحاجات اللي مش عارفها مش عارف عنها حاجة في المنهج وتبدأ تقسمها على يومك وتذاكرها .
- هتراجع على إمتحانات السنين اللي فاتت.
- هتسأل دحيح الدفعة عن الأسئلة اللي طرحها الدكتور في المحاضرات.
- هتسأل علي النقاط اللي الدكتور ركز عليها.
4- القناعة
أوعى تفتكر أنك هتقدر في الفترة القليلة دي إنك هتذاكر الكتاب من الجلدة للجلدة طبعاً ده تفكير خاطئ ومش هتقدر تعمل كده في الفترة دي ولكن الصح إنك تبدأ تركز على المهم في المادة وتبدأ تذاكر وتفهمه كويس جداً ومتفكرش في الباقي من المادة اللي مش مهم وتبدأ تستغل الوقت ده إنك تحل عملي وأمثله كتير على الجزء الي ذاكرته والسؤال اللي مش هتعرف تحله تقدر ترجع للكتاب وتراجع النقطة دي كويس.
إقرأ أيضا : تطوير مهارة العمل الجماعي
5- تنظيم الوقت
- الخطوة دي أنا مش هقولك أنك تقعد من أول اليوم لآخر اليوم على الكتاب بتذاكر لا لأن عقلك مستحيل هيقدر يستوعب أو يستحمل كل المعلومات والوقت ده.
- هتبدأ تقسم يومك على 3 أو 4 فترات كل فترة هتكون عبارة عن ساعتين مذاكرة جد من غير مماطلة وكسل. الفترات هتكون متباعدة وهنقسمها على اليوم بحيث عقلك ياخد راحة من المعلومات الكتير اللي بتذاكرها ويقدر يستوعب معلومات جديدة في الفتره الثانية.
